Nýr forstöðumaður eignastýringar
Hreggviður Ingason hefur verið ráðinn til starfa hjá Lífsverki lífeyrissjóði sem forstöðumaður eignastýringar og hefur hann störf strax eftir áramót.
Hreggviður Ingason hefur verið ráðinn til starfa hjá Lífsverki lífeyrissjóði sem forstöðumaður eignastýringar og hefur hann störf strax eftir áramót.
Hreggviður er fæddur í Reykjavík árið 1978 og nam hagfræði við Háskóla Íslands. Hann lauk M.A. gráðu í hagfræði frá Boston University árið 2005 og síðan M.Sc. gráðu í fjármálastærðfræði frá Warwick háskóla í Bretlandi árið 2006. Auk þess hefur Hreggviður lokið námi í verðbréfaviðskiptum.
Hreggviður hefur yfir 10 ára reynslu af fjármálamörkuðum. Frá árinu 2010 hefur hann séð um uppgjör afleiðusamninga hjá Glitni hf. Á árunum 2007 til 2010 vann hann sem forstöðumaður fjárstýringar VBS fjárfestingarbanka hf. og á árunum 2006 til 2007 var hann sérfræðingur í gjaldeyris- og afleiðumiðlun Kaupþings banka. Samhliða hefur hann sinnt stundakennslu við Háskólann í Reykjavík frá árinu 2008.
Við bjóðum Hreggvið velkominn til starfa. Jafnframt er Lýð H. Gunnarssyni, sem starfað hefur hjá sjóðnum í ríflega 6 ár, þökkuð vel unnin störf en hann tekur um áramótin við starfi framkvæmdastjóra fjármálasviðs hjá Eik fasteignafélagi.