Rafrænt stjórnarkjör með rafrænum skilríkjum í síma
Fer fram dagana 24.-30.3
Rafrænt stjórnarkjör Lífsverks lífeyrissjóðs fer fram dagana 24.-30. mars n.k. á sjóðfélagagátt á heimasíðu sjóðsins.
Nú verður einfalt að taka þátt þar sem sjóðfélagar geta notað rafræn skilríki í síma til þess að skrá sig inná sjóðfélagagáttina.
Áfram verður þó hægt að sækja lykilorð undir rafræn skjöl í heimabanka.
Veruleg aukning varð á þátttöku í fyrsta rafræna stjórnarkjöri sjóðsins í fyrra og vonumst við til þess að enn fleiri nýti sér atkvæðisréttinn í ár.
Þó að kosning til stjórnar sé nú að meginstefnu til rafræn þá eiga sjóðfélagar einnig þann kost að greiða atkvæði á skrifstofu sjóðsins á venjubundnum afgreiðslutíma hans þessa sömu daga.
Rafrænt stjórnarkjör mun hefjast kl. 8:30 að morgni dags 24.3 og ljúka kl. 18:00 þann 30.3.
Stjórn hefur skipað þriggja manna kjörnefnd sem fer með framkvæmd kosninganna.
Stjórn og kjörnefnd hvetja sjóðfélaga til þess að nýta sér atkvæðisrétt sinn.
Kjörnefnd
Reglur um framkvæmd stjórnarkjörs