Framboð til varastjórnar
Brynja Baldursdóttir
Brynja Baldursdóttir býður sig fram í varastjórn sjóðsins.
MENNTUN
2003 Georgia Institute of Technology, Atlanta, Georgia
M.Sc. í aðgerðargreiningu (Operations Research)
2000 Háskóli Íslands
B.Sc. í véla- og iðnaðarverkfræði
STARFSREYNSLA
2010-2012 Síminn
Forstöðumaður sölu á einstaklingsmarkaði
2005-2010 Síminn
Forstöðumaður/deildarstjóri vefdeildar
2005 Síminn
Hópstjóri, vefir og ferlar
2000-2002 OZ Communications, Inc.
Samstæðustjóri
FRAMBOÐ
Ég býð mig fram til setu í varastjórn Lífeyrissjóðs verkfræðinga vegna þess að mig langar að leggja mitt af mörkum til að tryggja að lífeyrismálum okkar sé stýrt af fagmennsku og heilindum. Öll treystum við á lífeyrissjóðinn fyrir efri árin og ef eitthvað kemur upp á. Því er mikilvægt að hafa gott fólk í stjórn sem er tilbúið að leggja á sig þá vinnu sem er nauðsynleg til að leysa þau flóknu mál sem stjórninni eru falin.
Það er ánægjulegt að sjá þann árangur sem náðst hefur á síðustu árum eftir átökin í kjölfar hrunsins. Bæði hvað varðar sársaukafullar aðgerðir til að rétta stöðu sjóðsins af, sem og aðgerðir til að tryggja áframhaldandi jafnvægi og traust á fjárfestingastefnu sjóðsins. Á næstu árum verður mikilvægt að fylgja þessum málum eftir og halda uppbyggingunni áfram.
Tvö mál eru mér einnig nokkuð hugleikin, en þau eru stefna sjóðsins í samfélagslegri ábyrgð og nýliðun. Í kjölfar hrunsins hefur samfélagslegt hlutverk lífeyrissjóða orðið meira áberandi en áður. Það er því mikilvægt að þeir móti sér stefnu í þeim málum og axli þá ábyrgð með formlegri hætti. Fyrsti forgangur er auðvitað alltaf hagsmunir sjóðfélaga en það skiptir máli að það sé gert af ábyrgð til alls samfélagsins. Nýliðun hefur verið vandamál síðustu ár vegna stöðu sjóðsins en öflug nýliðun er nauðsynleg til þess að halda áfram eflingu sjóðins. Með bættri stöðu sjóðsins er hægt að huga að átaki í nýliðunarmálum og þar getur reynsla mín af sölu- og markaðsmálum nýst sjóðnum vel. Við erum með hagstæð sjóðfélagalán og góð kjör fyrir örorku- og makalífeyri. Það, ásamt traustri fjárfestingastefnu ætti að gera sjóðinn að góðum kosti fyrir nýja félaga.