Lífsverk setur sér nýja stefnu í ábyrgum fjárfestingum
Lífsverk hefur markað sér stefnu í takt við heimsmarkmið Sameinuðu þjóðanna um sjálfbærni og um leið aukið verulega áherslur sínar í ábyrgum fjárfestingum.
Lífsverk hefur markað sér stefnu í takt við heimsmarkmið Sameinuðu þjóðanna um sjálfbærni og um leið aukið verulega áherslur sínar í ábyrgum fjárfestingum.
Með þessu lýsir Lífsverk yfir áhuga og metnaði sem ábyrgur fjárfestir og útlistar hvernig sjóðurinn sýnir þann vilja í verki.
Ábyrgar fjárfestingar snúast um að taka tillit til umhverfisþátta, félagslegra þátta og stjórnarhátta (UFS) við fjárfestingarákvarðanir og trúum við að með þessari aðferðafræði megi draga úr áhættu og auka ávöxtun til lengri tíma. Stefna Lífsverks í ábyrgum fjárfestingum snýst meðal annars um að útiloka fjárfestingar í ákveðnum eignaflokkum. Þar er um að ræða framleiðendur hergagna, tóbaksframleiðendur, rekstur sem virðir ekki grundvallarmannréttindi eða er óábyrgur gagnvart umhverfi. Lífsverk fjárfestir ekki í félögum eða útgefendum eða felur þriðja aðila að stýra fjármunum sjóðsins sem ekki eru með stefnu í samfélagslegri ábyrgð eða hyggjast ekki móta sér slíka í náinni framtíð.
Ábyrgar fjárfestingar auka velferð samfélags í heild sinni og þar ætlar Lífsverk sér að vera í fararbroddi.
Taflan sýnir hvernig stefna sjóðsins hefur þróast frá 2017.
Hér má lesa stefnu Lífsverks í ábyrgum fjárfestingum í heild sinni.