Jákvæð ávöxtun Lífsverks 2016
Hrein nafnávöxtun samtryggingardeildar Lífsverks á árinu 2016 nam 4,7% og hrein raunávöxtun 2,6% sem er ánægjuleg niðurstaða ef haft er í huga að fjárfestingarumhverfi lífeyrissjóða var almennt erfitt á árinu. Hrein nafnávöxtun séreignarleiða var sömuleiðis jákvæð.
Hrein nafnávöxtun samtryggingardeildar Lífsverks á árinu 2016 nam 4,7% og hrein raunávöxtun 2,6% sem er ánægjuleg niðurstaða ef haft er í huga að fjárfestingarumhverfi lífeyrissjóða var almennt erfitt á árinu. Hrein nafnávöxtun séreignarleiða var sömuleiðis jákvæð.
Sjóðurinn stækkaði um 9,5% á árinu og námu heildareignir samtryggingar- og séreignardeildar 73,0 milljörðum kr. Í árslok 2016 var hrein eign samtryggingardeildar til greiðslu lífeyris 62,7 milljarðar kr. og 10,3 milljarðar kr. í séreignardeild.
Samanlögð iðgjöld ársins 2016 námu 4.040 m.kr. og námu samanlagðar lífeyrisgreiðslur 808 m.kr. Hlutfall lífeyris af samanlögðum iðgjöldum var 20,0%. Þetta er lágt hlutfall í samanburði við aðra lífeyrissjóði og skýrir góðan vöxt sjóðsins undanfarin ár, auk þess sem afkoma hefur verið með ágætum.
Stærsti hluti eigna samtryggingardeildar sjóðsins er í skuldabréfum, sem nema 37,4 milljörðum og eignarhlutum í félögum og sjóðum, sem nema 23,3 milljörðum. Heildarfjárhæð sjóðfélagalána í árslok nemur 9,7 milljörðum en mikill vöxtur var í lánveitingum á árinu. Veitt voru 226 ný sjóðfélagalán, samtals að fjárhæð 3,8 milljarðar.
Að meðaltali greiddu 2.664 sjóðfélagar iðgjöld til samtryggingardeildar í hverjum mánuði og er það aukning frá fyrra ári. Í heildina eiga 4.564 sjóðfélagar réttindi í sjóðnum. Fjölgun varð einnig meðal rétthafa í séreignardeild.
Samkvæmt tryggingafræðilegri athugun í árslok 2016 voru heildareignir sjóðsins 0,1% umfram heildarskuldbindingar samanborið við 2,6% í lok fyrra árs. Staða áfallinna skuldbindinga nam 1,2% en hins vegar er staða framtíðarskuldbindinga neikvæð um 1,5%. Tryggingafræðileg athugun byggir nú á nýjum töflum um lífslíkur, sem tekur til reynslu áranna 2010 – 2014 og hefur áhrif til lækkunar milli ára.
Meðaltal hreinnar raunávöxtunar í samtryggingardeild síðastliðin fimm ár er 5,4%.
Hrein nafnávöxtun mismunandi leiða í séreignardeild sjóðsins var frá 0,5% til 5,1%. Nafnávöxtun Lífsverks 1 var 0,5% en hrein raunávöxtun var neikvæð um 1,6%. Hrein eign í árslok var 1.247 milljónir og jókst um 14,0% milli ára. Nafnávöxtun Lífsverks 2 var 3,6% og hrein raunávöxtun 1,5%. Hrein eign í árslok nam 8.834 milljónum og hækkaði um 12,2% milli ára. Nafnávöxtun Lífsverk 3 var 5,1% og hrein raunávöxtun 3,0%. Hrein eign í árslok var 200 milljónir og hafði hækkað um 16,0% frá árslokum 2015.